Dva švedzkija žurnalisty, adzin ź ich Eryk Honpłaten, praviali noč u nacyjanalnym aeraporcie «Miensk». Im nie dali vizu i akredytacyju dla aśviatleńnia vybarčaj kampanii.
Pavodle pravaabaroncy Taciany Raviaki, žurnalisty prybyli ŭ aeraport uviečary 21 vieraśnia. Jašče padčas znachodžańnia ŭ Švecyi jany padali zajaŭki na akredytacyju ŭ MZS Biełarusi. Prylacieŭšy ŭ Miensk, jany patelefanavali pradstaŭniku biełaruskaha MZS.
Toj paviedamiŭ, što akredytacyi im buduć dastaŭlenyja ŭ aeraport 22 vieraśnia a 10 hadzinie, a paśla im adkryjuć vizy.
Adnak 22 vieraśnia a 10 hadzinie akredytacyi nie byli dastaŭlenyja, a pradstaŭnik «Biełavija» skazaŭ, što žurnalistam admoŭlena ŭ vizach. Pradstaŭnik «Biełavija» prapanavaŭ žurnalistam viarnucca ŭ Švecyju rejsam Miensk—Ryha—Stakholm. Sproby žurnalistaŭ datelefanavacca da pradstaŭnika biełaruskaha MZS pakul biezvynikovyja.
Pavodle Taciany Raviaki, biełaruskija ŭłady nie byli haścinnymi da zamiežnych žurnalistaŭ i ŭ papiarednija vybarčyja kampanii. «Adnak paśla dyplamatyčnaha kanfliktu i kryzisu z Švecyjaj u vyniku plušavaha desantu, švedzkija žurnalisty pad asablivaj uvahaj».
