Dziŭny vypadak na darozie zafiksavaŭ rehistratar, ustalavany ŭ mašynie bieraściejca, paviedamlaje Auto.onliner.by. U roliku, jaki niadaŭna źjaviłasia na servisie YouTube, vidać, jak aŭtamabil ruchajecca ŭ centry horada, pa «kišeni» praśpiekta Mašerava. Kiroŭca tolki prajechaŭ budynak RAUS, jak z-za pryparkavanych aŭtamabilaŭ na darohu vybieh mužčyna. Na ščaście, chutkaść mašyny była nievysokaj, tamu adrazu paśla ŭdaru piešachod samastojna padniaŭsia i pabieh dalej.
Aŭtar videa napisaŭ, što mužčyna źnik u nieviadomym kirunku. Ci vyklikaŭ kiroŭca DAI, nie ŭdakładniajecca.
Bieraściejcy adznačajuć, što piešachod bieh z boku prypynku hramadskaha transpartu «CUM». Jon viadomy haradžanam tym, što tam časta dziažurać kantralory-revizory. Nieaściarožnyja pavodziny mužčyny mohuć tłumačycca žadańniem schavacca ad kantrolu.
