Pryzyŭnaja kampanija ŭvajšła ŭ aktyŭnuju fazu 1

Uvajšła ŭ aktyŭnuju fazu pryzyŭnaja kampanija va Uzbrojenyja siły Biełarusi.

Jak paviedamiła pres-słužba Ministerstva abarony, mierapryjemstvy pryzyvu ažyćciaŭlajucca ŭ adpaviednaści z ukazam prezidenta ad 2 žniŭnia № 352 «Ab zvalnieńni ŭ zapas vajennasłužačych terminovaj vajennaj słužby i reziervistaŭ i pryzyvie hramadzian na terminovuju vajennuju słužbu, słužbu ŭ reziervie ŭ žniŭni — listapadzie 2012 hoda».

U chodzie ciapierašniaj pryzyŭnoj kampanii dla prachodžańnia terminovaj vajennaj słužby na pasadach sałdat i siaržantaŭ płanujecca pryzvać kala 9 tysiač čałaviek. Jašče kala 2 tysiač maładych ludziej buduć pryzvanyja na słužbu ŭ reziervie.

U chodzie pryzyŭnoj kampanii pryzyŭnym kamisijam rajonaŭ i haradoŭ treba pryniać kala 100 tysiač rašeńniaŭ u dačynieńni da hramadzian, jakija padlahajuć pryzyvu.

Ciapier vajennymi kamisaryjatami pravodzicca rabota pa vyvučeńni maralna-dziełavych jakaściej, idzie adbor pryzyŭnikoŭ pradstaŭnikami złučeńniaŭ i vajskovych čaściej.

Miedycynskimi kamisijami ažyćciaŭlajecca pahłyblenaje vyvučeńnie zdaroŭja hramadzian, jakija padlahajuć pryzyvu, pa vyznačeńni ich pryhodnaści da vajennaj słužby. U adpaviednaści z sumiesnaj pastanovaj Ministerstva abarony i Ministerstva achovy zdaroŭja ad 1 žniŭnia 2012 hoda № 33/85 udakładnieny śpis zachvorvańniaŭ, pa jakich pryznajucca niepryhodnymi da vajskovaj słužby pryzyŭniki i vajennaabaviazanyja, jakija stajać na ŭliku ŭ vajennych kamisaryjatach. Pryniać hety dakumient dazvoliła pavyšeńnie mahčymaściej miedycynskich ustanoŭ pa dyjahnostycy i lačeńni zachvorvańniaŭ.

Adpraŭka novaha papaŭnieńnia ŭ vojski budzie ažyćciaŭlacca z 15 pa 30 listapada, a dla prachodžańnia słužby ŭ reziervie — z 22 pa 23 listapada.

Asnoŭnymi zadačami pryzyvu na terminovuju vajennuju słužbu i słužbu ŭ reziervie źjaŭlajucca padrychtoŭka vajenna-navučanaha reziervu i atrymańnie hramadzianinam vajenna-ulikovaj śpiecyjalnaści.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH