U Miensku da 2020 h. pabudujuć 15,6 km novych tramvajnych linijaŭ. Takim čynam, ahulnaja praciahłaść tramvajnych šlachoŭ stanie 40,6 km, paviedamili ŭ KUP «Miensktrans».
Sa słovaŭ admysłoŭcaŭ, budzie stvoranaje tramvajnaje koła vakoł centru horadu dy arhanizavany vychad na hetaje koła ź Sierabranki. Heta dazvolić padvysić jakaść i transpartnych suviaziaŭ z centram horadu, razhruzić pieranasyčanyja aŭtobusami dy tralejbusami praspekt Rakasoŭskaha, vuł.Śviardłova, Aranskuju. Aproč taho, takija zachady palepšać ekalahičnuju abstanoŭku ŭ hetych rajonach.
Pavodle prahramy raźvićcia pasažyrskaha transpartu Miensku, ad vuł.Malinina da vuł.Kastryčnickaja (1-ja čarha) budzie prakładziena 6,7 km tramvajnych linijaŭ, a ad vuł.Miaśnikova da prasp.Mašerava — 4,7 km. Akramia taho, praduhledžvajecca pieranos tramvajnaje linii sa Staravilenskaha traktu na vuł.Navavilenskuju dla stvareńnia paŭnavartasnaj mahistrali Daŭhinaŭskaha napramku.
Fota z sajtu Haradzki transpart