BATE źniaŭ skalp z «Bavaryi» — 3:1. Takoha jašče nie było! + videa hałoŭ 76

Hoł Paŭłava (1:0)

Hoł Radzivonava (2:0)

Hoł Bresana (3:1)

Gol Bressan po rrmisas

95+

Joŭ!!! Uzdychnicie z palohkaj - 3:1. Takoha Minsk jašče nie bačyŭ. BATE pieramoh "Bavaryju". Pryčym, zasłužana. Kropku pastaviŭ Renan Bresan.

93+

Niešta nie zaŭvažyŭ, kolki dadaŭ sudździa. Makiedoniec, śviści ŭžo!

91+

Usioj kamandzie za hulniu ćviordaja dziasiatka. Adnaznačna, najlepšy matč. Harbunoŭ atrymaŭ kartku za zaciahvańnie času.

Rybiery adzin hoł adkvitaŭ. Niaŭdały hety francuz, jak dla zbornaj, tak i dla BATE — 2:1.

89-aja

Hetyja emocyi paraŭnać možna, chiba što ź pieršaj sustrečaj BATE ŭ Lizie čempijonaŭ suprać «Juvientusa».

Mianiajuć Vitala Radzivonava, jon svaju porcyju apładysmientaŭ zasłužyŭ pa spravie, na hazon vyjšaŭ Dźmitryj Mazaleŭski.

«Bavaryja» dušyć, ale niejak spakojna. Simič atrymaŭ lohkaje paškodžańnie.

86-aja

Harbunoŭ prosta šykoŭny. Kali i jon užo nie ŭ stanie dapamahčy, to dapamahaje pierakładzina. Hety viečar, adnaznačna, za BATE.

Paŭłava z pola pravažajuć avacyjami. Zamiest jaho vychodzić Renan Bresan. U Hančarenki jašče adna zamiena.

80-aja

2:0!!! Nu chto z vas u takoje vieryŭ? Hoł na rachunku Vitala Radzivonava. Pieradaču na svoj rachunak zapisaŭ Alaksandr Vaładźko.

78-aja

U trybun nibyta ŭźnikła druhoje dychańnie. Kryčać što siły.

U «Bavaryi» Mandžukiča pamianiaŭ Kłaŭdyjo Pisara. A zamiest Badštubiera vyjšaŭ Švajnštajhier. Bolej zamien u niemcaŭ nie zastałosia.

74-aja

Papiaredžańni ŭ nas atrymaŭ Maksim Bardačoŭ, u supiernika — Łuis Hustava.

71-aja

Tym časam padyšła novaja porcyja zdymkaŭ ad Siarhieja Hudzilina.

68-aja

Jaki epizod! Epizodzišča! BATE zhubiŭ realny šaniec zabić druhi miač. Chvaroba Hleba sa stracham udaryć pa varotach prahresuje. Mieŭ vydatnuju mahčymaść, ale adpasavaŭ na Paŭłava. Alaksandr pramazaŭ. Ci budzie jašče taki šaniec.

Mianiajuć kapitana Dźmitryja Lichtaroviča, zamiest jaho na pole vyjšaŭ Michaił Sivakoŭ.

62-aja

U «Bavaryi» zamiest Chavi Marcinesa vyjšaŭ Šedžar Šačyry. Niechta z haściej atrymaŭ žoŭtuju kartku, na žal, nie zaŭvažyŭ chto mienavita.

Uch ty, Radzivonaŭ raźviarnuŭsia ŭ štrafnoj. Chacieŭ trapić u dalokuju «dziaviatku», krychu nie chapiła. Supiermomant.

58-aja

Voś i ŭ BATE narešcie źjaviŭsia šaniec padvoić pieravahu. Kambinacyja navat niečym nahadvała tuju, kali zabivaŭsia pieršy hoł. Ź dziasiatak pieradač. Hleb znoŭ pabajaŭsia sam udaryć, prapanavaŭ zrabić toje Alachnoviču. Paciahnuŭ Nojer udar Edhara.

51-aja

Praha kryvi ŭ «Bavaryi» abvastrajecca. Vostra atakujuć minułahodnija finalisty Lihi. Praŭda, paśla ŭdaru Badštubiera miač traplaje ŭ hałavu Alachnoviča. Usiaho tolki vuhłavy.

46-aja

Pačaŭsia druhi tajm. Nu, z Boham!

46+

Pierapynak. Pieršy tajm zastaŭsia za BATE. Druhaja pałovaja lahčejšaj nie budzie.

44-aja

Tym časam dadalisia fatahrafii ad Siarhieja Hudzilina.

38-aja

Trybuny puścili chvalu.

Hančarenka vyjšaŭ bližej da pola. Sudziejstva jamu nie nadta, kab padabajecca. Radzivonaŭ lažaŭ na hazonie, zdajecca, ničoha surjoznaha. Časam i biełarusy majuć prava na maleńkija chitryki.

31-aja

Pisać niešta pakul ciažka. Emocyi bjuć cieraz kraj.

«Bavaryja» złaja jak hałodny sabaka. Rvuć našu abaronu na łaskutki, ale cierpiać. Mahčyma, adzin z samych ciažkich momantaŭ matča.

Hości zryvajuć pierśpiektyŭnuju ataku BATE, ale sudździa maŭčyć. Stadyjon nie vieryć, što parušeńnia nie było.

25-jaja

Hoł zabiŭ Saša Paŭłaŭ. Niechta ž skazaŭ, što rudu ŭ kamandzie na ščaście.

Razzłavałasia «Bavaryja». Dźvie ataki byli vielmi niebiaśpiečnymi, Harbunoŭ ciahnie.

23-jaja

Hoooooołłłłł!!! BATE zabiŭ u redkaj kontratacy.

Zabiła «Bavaryja», ale z afsajdu. Takoje adčuvańnie, kali tak praciahniecca dalej, to zabjuć i biez afsajdu. Tym časam, Alaksandr Paŭłaŭ atrymaŭ žoŭtuju kartku za zryŭ toj samaj ataki.

18-aja

Jašče adzin udar haściej. Badštubier sa štrafnoha biŭ ščylna, ale ŭ dziaviatku miač nie palacieŭ. A kali nie, to Harbunoŭ na miescy. Prybraŭ da svaich noh hulniu FK «Halivud».

15-aja

Serca spyniłasia na niekalki siekund. Roŭna na stolki, kolki spatrebiłasia Kroosu, kab abvieści Harbunova paśla abrezki kapitana BATE, udaryć u pustyja varoty i trapić u štanhu. Uzdych ablahčeńnia.

13-aja

Kolki chopić barysaŭcaŭ hulać u takim šalonym tempie? «Bavaryja» padała pieršy vuhłavy, jaki skončyŭsia druhim. A tam dzie dva tam i try. Padavali-padavali, až pakul za spravu nie ŭziaŭsia Harbunoŭ. Adbilisia.

8-aja

Voś i pieršy halavy momant naradziŭsia ŭ sustrečy. Zdahadajciesia la čyich varot? Kaniečnie, la «Bavaryi».

Edhar Alachnovič udaryŭ mocna, ale prosta ŭ Nojera. Chacia niemcu było niaprosta. Adnaznačna.

5-aja

Pieršymi ataku pačali BATEŭcy. Vidać, atrymałasia zrabić ź piatnaccać pieradač dakładnych. Ale skončyłasia ŭsio tym, što miač u svaje ruki zabraŭ Nojer.

Kali miač u nahach barysaŭcaŭ, to padtrymka trybun unušalnaje. Radzivonavu dvojčy nie chapaje kryšku, kab vyrvacca na apieratyŭnuju prastoru.

1-aja chvilina

Palacieli! Razvodzić «Bavaryja».

21:44

Stadyjon zapoŭnieny pracentaŭ na 80%. Volnych miescaŭ usio ž chapaje. «Bavarski» siektar śpiavaje pryhoža.

Našy ŭ siniaj formie, hości — u čyrvonym.

Sudzić sustreču makiedoniec Alaksandr Staŭreŭ. Kamandy na poli.

21:41

Darečy, va ŭnutranych pieršanstvie miunchiency nabrali absalutna fantastyčny chod. Šeść pieramoh u šaści matčach. A ŭvohule z pačatku siezona ŭ «Bavaryi» dzieviać pieramoh, kali budzie dziasiataja, to heta novy rekord kłuba.

BATE ž pierad hulnioj raźmiałasia z hrodzienskim «Niomanam» — 5:1. I jašče bolš zamacavałasia na pieršym miescy ŭ čempijanacie krainy.

21:33

Paznačyli siabie fanaty «Bavaryi». Ich niekalki sotniaŭ, śpiavajuć. Ciažka skazać, kaho tam bolej niemcaŭ, ci našych «hłoraŭ». Pa darozie na stadyjon bačyŭ kolki biełarusaŭ u šalikach «Bavaryi».

Čaho ŭžo chavać, aŭtar taksama «hłoryć» za «Bavaryju» hadoŭ piatnaccać. Praŭda, BATE kamanda rodnaja. Tak vybaru nie zastajecca. Chaj BATE zajmaje pieršaje miesca ŭ hrupie, a «Bavaryja» śledam.

21:31

Leanid Bandarovič, dyktar stadyjona «Dynama», vitaŭ hledačoŭ na biełaruskaj movie. Hledačy sustreli heta avacyjami, daliboh. Zatoje składy ŭžo staŭ abviaščać pa-rasiejsku.

Što ž my pradublujem pa-biełarusku.

BATE: Harbunoŭ, Lichtarovič, Vaładźko, Hleb, Paŭłaŭ, Bardačoŭ, Radzivonaŭ, Filipienka, Simič, Alachnovič, Palakoŭ.

Kryšačku niečakanym chiba jość źjaŭleńnie na poli Jahora Filipienki, jaki niadaŭna adnaviŭsia ad traŭmy. Astatniaje pradkazalna.

Bavaryja: Nojier, Dante, Rybiery, Chavi Marcinies, Mandžukič, Baatenh, Łam, Miuler, Badštubier, Łuis Hustava, Kroos.

Niama Rabena. Žurbotka dla amataraŭ «Bavaryi».

***

U Minsku ŭ 21:45 na «Dynama» pačniecca matč BATE Barysaŭ — «Bavaryja» Miunchien.

Sustrakajucca lidary hrupy. I BATE, i «Bavaryja» pieramahli ŭ pieršym tury. Biełarusy vyjhrali ŭ haściach u «Lila» 3:1, a niamiecki kłub pieramoh doma «Valensiju» — 2:1.

Jak budzie siońnia? «Bavaryja» pryjechała biez Robiena i Homiesa. Na Vašuju dumku, jakim budzie lik? BATE daść boj, ci niamieckaja cud-mašyna prosta źmiacie biełarusaŭ?

Źmicier Pankaviec, fota Siarhieja Hudzilina

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH