Paviedamleńnie ab zdareńni na čyhuncy pastupiła ŭ Baranavicki adździeł unutranych spraŭ na transparcie ŭviečary 7 kastryčnika, piša Intex-press.
Jak raspavioŭ načalnik štaba Baranavickaha AUST Vadzim Kulik, na 887-m kiłamietry pierahona Baranavičy Centralnyja—Paharelcy elektraciahnik «Baranavičy—Minsk» traŭmavaŭ 28-hadovaha haradžanina.
«Mužčynu, jaki bieh nasustrač elektryčcy, ubačyli mašynisty, jakija, jak i naležyć u padobnych situacyjach, pačali padavać papieradžalny sihnał. U apošni momant haradžanin paśpieŭ saskočyć z rejek, adnak jaho ŭsio adno začapiła ciahnikom»,— raspavioŭ pra abstaviny zdareńnia Vadzim Kulik.
Paciarpieły z papiarednim dyjahnazam «traŭma hrudnoj kletki, rany ściahna i halonki, ałkaholnaje apjanieńnie» byŭ dastaŭleny ŭ balnicu.
U vyniku zdareńnia zatrymka ruchu čyhunačnaha transpartu skłała 46 chvilin. Pa dadzienym fakcie pravodzicca pravierka.
0
0
0
0
0
0
