Nacyjanalny bank Respubliki Biełaruś 10 kastryčnika ŭvodzić u abaračeńnie srebnuju pamiatnuju manietu "Ikona Praśviatoj Baharodzicy "Barkałabaŭskaja" sieryi "Pravasłaŭnyja cudatvornyja ikony" naminałam 20 rubloŭ, probaj spłavu 925, masaj 31,10 h.
Manieta maje pramavuholnuju formu pamieram 30,00 ch 45,00 mm. Ź piaredniaha i advarotnaha bakoŭ – kant, jaki vystupaje pa pierymietry. Bakavaja pavierchnia maniety z nasiečkaj.
Aviers: u centry – arnamient u vyhladzie vinahradnaj łazy, jakaja simvalizuje Baharodzicu, unutry arnamientu – pamiatny kryž, što ŭstanoŭleny na zamčyščy ŭ h. Zasłaŭi ŭ suviazi sa śviatkavańniem 1000-hodździa pravasłaŭnaj carkvy na Biełarusi, i proba spłavu; uviersie – reljefny vidarys Dziaržaŭnaha hierba Respubliki Biełaruś i ŭ dva radki nadpis: RESPUBŁIKA BIEŁARUŚ; unizie – naminał 20 RUBLOŬ, sprava ad naminału – hod čakanki.
Reviers: u centry – vobraz Praśviatoj Baharodzicy "Barkałabaŭskaja" (vyjavy nimbaŭ nad Baharodzicaj i Isusam Chrystom, zorak i šlaka na adzienni Baharodzicy, a taksama carkoŭny arnamient vykanany zołatam); unizie nadpis: Barkałabaŭskaja.
Manieta adčakaniena na manietnym dvary TAA "B.Ch. Majers Kunstprehieanštalt", Karłśfield, Hiermanija, jakaściu "pruf", tyražom da 10 000 štuk.
Pamiatnaja manieta, što ŭvodzicca ŭ abaračeńnie, źjaŭlajecca zakonnym płaciežnym srodkam Respubliki Biełaruś, abaviazkovym da pryjomu pa naminalnym košcie pry ŭsich vidach płaciažoŭ biez usialakich abmiežavańniaŭ.
