Hałoŭny trenier zbornaj Ispanii Visente del Boskie padzialiŭsia svaim mierkavańniem ab matčy suprać zbornaj Biełarusi, adznačyŭšy, što znachodzicca ŭ pošuku taktyčnaj schiemy.
«U biełarusaŭ małady skład. Jość niejkija suviazi pamiž hulcami, asabliva ŭ tych, chto hulaje ŭ BATE. U ich vielmi dobraja kamanda.
Šukajem taktyčnyja schiemy pierad zaŭtrašnim matčam. Budzie čałaviek na vastryi. I my budziem hulać pieršym numaram. Chto budzie hulać razam ź Sierchia Ramasam u centry abarony? Budzie hulać futbalist, jakoha my pastavim :).
Drenna, što zaŭtra ŭ Ispanii nie pakažuć matč, heta palityka. Mnie vielmi škada. Ale heta spravy fiederacyi. Adnak, nie dumaju, što heta stvoryć niejkija prablemy hulni. Pry hetym niama harantyj u pieramozie našaj zbornaj. Spytajcie pra heta ŭ «Bavaryi». Naš hulec, Chavi Marcinies, trochi nas paśviaciŭ u stan hazona na stadyjonie. Pole trochi vilhotnaje, ale surjoznych prablem heta vyklikać nie pavinna.
Zaŭtra budzie chałodna? Ničoha strašnaha, - skazaŭ del Boskie.
Nahadajem, matč pamiž zbornymi Biełarusi i Ispanii adbudziecca zaŭtra na minskim stadyjonie «Dynama» i pačniecca ŭ 21 hadzinu.
