Jak stała viadoma NN, Mieir Dahan siońnia jašče znachodzicca ŭ chirurhičnaj reanimacyi. Stan jaho ciažki, tempieratura cieła narmalizavałasia — 36,6. Mahčyma, paśla abiedu Dahana pieraviaduć u inšaje adździaleńnie.
Raniej paviedamlałasia, što byłomu šefu izralskaj raźviedki ŭ Biełarusi pierasadzili piečań. Apieracyju pravodziŭ francuzski chirurh, jakomu dapamahali izrailskija daktary. U sieradu jaho stan aceńvaŭsia jak krajnie ciažki.
Rodnyja raźviedčyka zajavili, što
jon vybraŭ Biełaruś dla apieracyi tolki tamu, što ŭ Hiermanii i ZŠA jamu treba było praciahły čas čakać pierasadki piečani. A ŭ Izraili takija apieracyi asobam paśla 65 hadoŭ nie robiać. Miž tym u Biełarusi znajšoŭsia adpaviedny orhan.
Pra znachodžańnie Mieira Dahana ŭ biełaruskim špitali raskazaŭ 16 kastryčnika Alaksandr Łukašenka padčas pres-kanfierencyi pradstaŭnikam rasijskich ŚMI.
0
0
0
0
0
0
