Prezident Izraila padziakavaŭ Łukašenku za dapamohu ŭ lačeńni kiraŭnika Masada 6

Prezident Dziaržavy Izrail Šymaon Pieres vykazaŭ udziačnaść svajmu biełaruskamu kalehu Alaksandru Łukašenku «za dapamohu ŭ lačeńni vysokapastaŭlenaha pradstaŭnika Izraila».

Ich hutarka adbyłasia 19 kastryčnika, paviedamlaje pres-słužba biełaruskaha kiraŭnika. Chto byŭ inicyjataram telefonnaj razmovy, nie paviedamlajecca.

Baki taksama abmierkavali «aktualnyja pytańni raźvićcia dvuchbakovych adnosinaŭ». Łukašenka zaprasiŭ izrailskaha lidara naviedać Biełaruś, prymierkavaŭšy vizit da jubileju (u 2013 hodzie Šymanu Pieresu spoŭnicca 90 hadoŭ).

Nahadajem, na pres-kanfierencyi dla rasijskich ŚMI 16 kastryčnika Łukašenka paviedamiŭ, što ŭ Biełarusi zroblena apieracyja pa transpłantacyi piečani byłomu kiraŭniku izrailskaha Masada. Pavodle słoŭ Łukašenki, u inšych krainach takuju apieracyju rabić admovilisia.

Razmova viałasia pra eks-kiraŭnika Masada Mieira Dahana,

stanovišča jakoha rezka pahoršyłasia praź niekalki dzion paśla apieracyi. U pryvatnaści, hazieta «Israel a-Jom» paviedamlała, što ŭ apošnija tydni ŭ pošuku rašeńnia dla lačeńnia Dahana, u jakoha pačalisia surjoznyja prablemy sa zdaroŭjem, brała ŭdzieł usia palityčnaja elita Izraila.

Apieracyju Dahanu ŭ Minsku rabiŭ doktar Daniel Azułaj z Paryžskaha centra transpłantałohii.

Asistavali jamu viadomyja izrailskija daktary. Biełaruskaja klinika dla praviadzieńnia apieracyi była vybrana tamu, što dziejnyja ŭ Izraili praviły zabaraniajuć pravodzić transpłantacyi piečani pacyjentam, jakim bolš za 65 hadoŭ, a Mieiru Dahanu — 67 hadoŭ. I mienavita heta, pavodle słoŭ prafiesara Jaakava Łavi ź miedycynskaha centra Tel a-Šamier, stała pieraškodaj da praviadzieńnia apieracyi ŭ Izraili.

Pieršapačatkova Dahana płanavali apieravać u Indyi, ale ŭłady hetaj krainy admovilisia pryniać jaho na lačeńnie z-za taho, što ŭ minułym jon kiravaŭ palityčnaj raźviedkaj.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH