Były namieśnik ministra abarony KNDR Kim Čchol, pakarany śmierciu ŭ pačatku 2012 hoda, byŭ zabity niezvyčajnym navat dla Paŭnočnaj Karei sposabam: jaho pryviazali da słupa i rasstralali ź minamiota, piša The Daily Telegraph.
Pavodle vydańnia, taki sposab pakarańnia byŭ abrany pa zahadzie kiraŭnika krainy Kim Čen Yna, jaki zapatrabavaŭ, kab ad hienierała «nie zastałosia nijakich śladoŭ, navat vałasinki».
Kim Čchol byŭ pakarany za nievykanańnie žałoby pa raniejšamu kiraŭniku Paŭnočnaj Karei — Kim Čen Iru (baćku siońniašniaha kiraŭnika dziaržavy), jaki pamior u śniežni 2011 hoda. Pavodle vydańnia, hienierała złavili na pjanstvie padčas žałoby.
Akramia Kim Čchola, u pačatku 2012 hoda ŭ KNDR biasśledna źnikli jašče niekalki dziasiatkaŭ vysokapastaŭlenych vajskoŭcaŭ i čynoŭnikaŭ.
0
0
0
0
0
0
