Naturalna iłžepradprymalnicki chołdynh nie byŭ zarehistravany Ministerstvam ekanomiki Biełarusi i pavodle biełaruskaha zakanadaŭstva zusim nie byŭ chołdynham. Pavodle papiarednich dadzienych, struktura abjadnoŭvała bolš za dziasiatak roznych subjektaŭ haspadarańnia, jak rezidentaŭ Respubliki Biełaruś, tak i nierezidentaŭ, a taksama fizičnych asobaŭ. Pa spravie ŭžo aryštavanyja čaćviora žycharoŭ Minska, dvoje ź jakich — dyrektary bujnych kampanij.
Pavodle apieratyŭnych dadzienych, padazravanyja razam ź inšymi asobami z metaj atrymańnia prybytku ad zaniatku niezakonnaj pradprymalnickaj dziejnaściu ŭ asabliva bujnym pamiery, dziejničajučy ad imieni i vykarystoŭvajučy rekvizity, piačatki, raźlikovyja rachunki i błanki pieršasnych ulikovych dakumientaŭ iłžepradprymalnickich struktur (rezidentaŭ i nierezidentaŭ RB), z 2008 da kastryčnika 2012 zajmalisia na terytoryi Biełarusi finansavaj dziejnaściu bieź dziaržaŭnaj rehistracyi.
Praściej kažučy, złačynny chołdynh dapamahaŭ subjektam haspadarańnia realnaha siektara ekanomiki ździajśniać niezakonnyja finansavyja apieracyi pa abmienie bieznajaŭnych hrašovych srodkaŭ na najaŭnyja i naadvarot. Pry hetym dla nadańnia lehalnaści finansavym apieracyjam arhanizacyja ažyćciaŭlała afarmleńnie i pradstaŭleńnie padroblenych buchhałtarskich dakumientaŭ.
Pavodle papiarednich dadzienych, z 2008 hoda złačynnaja arhanizacyja atrymała prybytak u pamiery kala 400 miljardaŭ rubloŭ (bolš za 50 miljonaŭ dalaraŭ).
Pakul pa vyjaŭlenych faktach Hałoŭnym śledčym upraŭleńniem Śledčaha kamiteta zaviedzienaja kryminalnaja sprava pa č.2 art.233 (niezakonnaja pradprymalnickaja dziejnaść) Kryminalnaha kodeksa Biełarusi.
Hetym razam pravaachoŭniki nie źbirajucca spyniacca tolki na iłžepradprymalnikach. Paŭstajuć surjoznyja pytańni da niekatorych biełaruskich bankaŭ, praź jakija padazravanyja atrymlivali pa čekach bujnyja sumy. Supracoŭnikaŭ pravaachoŭnych orhanaŭ biantežyć toj fakt, što bujnyja najaŭnyja sumy svabodna prachodzili praz banki, choć apošnija pavinnyja byli heta zaŭvažyć i spynić. Tamu ciapier vyrašajecca pytańnie pra bujnuju pravierku adpaviednych bankaŭ z metaj vyjaŭleńnia mahčymych karupcyjnych suviaziaŭ u hetych finansavych ustanovach.
