Rasśledavańnie kryminalnaj spravy ŭ dačynieńni da ŭładalnika Dankoff Club Juryja Dańkava praciahnuta da 22 śniežnia. Pra heta BiełaPAN paviedamiŭ aficyjny pradstaŭnik upraŭleńnia Śledčaha kamiteta pa Minsku Alaksandr Hierasimaŭ.
Miera strymańnia Dańkavu nie źmianiałasia — jon zastajecca pad vartaj.
Juryj Dańkaŭ byŭ zatrymany 4 vieraśnia. U hety dzień u Dankoff Club pravodziŭsia vobysk i inšyja śledčyja dziejańni ŭ miežach kryminalnaj spravy, raspačataj ŭ kancy žniŭnia Śledčym kamitetam u dačynieńni da mastackaha kiraŭnika i administratara TAA Dankoff Club. Jany padazrajucca ŭ tym, što z 2006 hoda vydzialali pamiaškańni ŭ kłubie dla zaniatku prastytucyjaj. Dziejańni słužbovych asob kvalifikavany pavodle č. 2 art. 171 KK. Mastacki kiraŭnik Dankoff Club zatrymany.
7 vieraśnia Juryju Dańkavu było pradjaŭlena abvinavačańnie va ŭčynieńni złačynstva, praduhledžanaha č. 2 art. 171 UK (vykarystańnie zaniatku prastytucyjaj ci stvareńnie ŭmoŭ dla zaniatku prastytucyjaj, učynienyja słužbovaj asobaj z vykarystańniem svaich słužbovych paŭnamoctvaŭ).
