Praktyčny «Žalezny kupał», abo Čym Izrail abaraniajecca ad paleścinskich rakiet 4

Rakieta sistemy «Žalezny kupał» pierachoplivaje paleścinskuju niekiravanuju rakietu padčas apieracyi «Vobłačny stoŭp».

Kamandny punkt batarei sistemy «Žalezny kupał».

Puskavaja ŭstanoŭka.

Radar sistemy «Žalezny kupał».

Mienavita ŭ sistemie źniščeńnia varožych rakietaŭ «Žalezny kupał» Izrail bačyć pryčynu paśpiachovaści svajoj apieracyi «Vobłačny stoŭp» pa źniščeńni vajskovaj infrastruktury isłamisckaha ruchu «Chamas» u Siektary Haza.

«Žalezny kupał» — izrailskaja sistema pierachopu niekiravanych rakietaŭ, jakija zapuskajuć palestyncy.

«Žalezny kupał» maje adnu cikavuju technałahičnuju ŭłaścivaść: sistema praličvaje trajektoryju paleścinskich rakietaŭ dy źbivaje tolki tyja, jakija patencyjna mohuć dasiahnuć haradoŭ. Vielmi praktyčna: daje vializnuju ekanomiju srodkaŭ.

Efiektyŭnaść sistemy aceńvajecca ŭ 90%.

Z pačatku apieracyi «Vobłačny stoŭp» Izrail vypuściŭ užo 360 rakietaŭ-pierachopnic.

Eks-ministr abarony Izrailu Amir Pierez kaža, što adzin zapusk rakiety sistemy «Žalezny kupał» kaštuje ad 30 da 50 tysiačaŭ dalaraŭ.

Ale kali b paleścinskija rakiety dasiahali haradoŭ dy hinuła mirnaje nasielnictva, Izrail byŭ by vymušany raspačać našmat daražejšuju naziemnuju apieracyju začystki Paleścinskaj aŭtanomii ad puskavych ustanovak.

Adzinaja prablema «Žaleznaha kupała» — paśpieć vyrablać stolki rakietaŭ, kolki patrebna dla vojska. Nievialikija kampanii, što vypuskajuć rakiety i elemienty «Kupała», pracujuć dzień i noč, kab papaŭniać zapasy ŭzbrajeńnia.

Maksimalny radyus dziejańnia ŭstanovak «Žaleznaha kupała» na siońnia składaje 70 kiłamietraŭ, ale płanujecca pavieličeńnie adlehłaści dziejańnia da 250 kiłamietraŭ.

Pakul Ministerstva abarony Izrailu (na amierykanskija hranty) finansuje vyrab novych rakietnych ustanovak «Žaleznaha kupała». Kali ich stanie 13, jany pakryjuć terytoryju krainy całkam.

Paleścincy ž suprać izrailskich rakiet i VPS biezabaronnyja: u Siektary Haza źniščana vialikaja častka abarončaj infrastruktury. Pry hetym zahinuła bolš za 100 arabaŭ, u tym liku žančyny j dzietki. Prykładna pałova ź ich — mirnyja žychary. Pry hetym Izrail praciahvaje pastaŭlać u ankłaŭ elektraenerhiju, pradukty. U vajnie niervaŭ u XXI stahodździ pieramahaje toj, chto maje bolš pieradavyja technałohii.

Za miažoj taksama isnuje značny popyt na «Žalezny kupał».

Ekspartny ž košt, biassprečna, budzie pieravyšać 50 miljonaŭ dalaraŭ — stolki siońnia kaštuje batareja sistemy «Žalezny kupał» dla «ŭnutranaha spažyvańnia».

«Žalezny kupał» — sistema supraćrakietnaj abarony Izrailu, pryniataja na ŭzbrajeńnie ŭ 2011 hodzie. Kožnaja batareja, jakaja składajecca z radarnaj ustanoŭki, kamandnaha centra dy troch puskavych ustanovak na 20 rakietaŭ, moža abaraniać terytoryju płoščaj u 150 kvadratnych kiłamietraŭ. Radyus dziejańnia kožnaj rakiety-pierachopnicy z aptyčnaj sistemaj naviadzieńnia — ad 4 da 70 kiłamietraŭ, maksimalnaja dasiažnaja vyšynia — 10 kiłamietraŭ.

Kiryła Chilko

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH