Butkiavičus staŭ premjer-ministram Litvy

U Ciejmie Litvy ŭ čaćvier adbyłosia hałasavańnie pa kandydatury staršyni Litoŭskaj sacyjał-demakratyčnaj partyi (ŁSDP) Alhirdasa Butkiavičusa ŭ premjery.

Paśla zakančeńnia dyskusii za kandydaturu Butkiavičusa prahałasavali 90 deputataŭ, suprać — 40 i 4 ustrymalisia.

Pieršym novaha prem'jer-ministra pavinšavaŭ vice-śpikier parłamienta Vidas Hiedviłas. Praŭda, jon zabłytaŭsia i pavinšavaŭ «prem'jer-ministra Alhirdasa Brazaŭskasa».

Butkiavičus łakanična padziakavaŭ za padtrymku. «Ja budu pracavać na karyść usich žycharoŭ Litvy», — skazaŭ novy premjer.

Lidar kansiervataraŭ, ciapier užo eks-premjer Andrus Kubilus pavinšavaŭ Butkiavičusa i pažadaŭ jamu «prostaj čałaviečaj ćviordaści».

Alhirdas Butkiavičus naradziŭsia 19 listapada 1958 h. u Paježeraj, što ŭ Šaŭlajskim paviecie. Atrymaŭ śpiecyjalnaść inžyniera-ekanamista ŭ Vilenskim techničnym univiersitecie imia Hiedymina, a ŭ Vilenskim univiersitecie — stupień mahistra mieniedžmienta finansaŭ. Abraniŭ stupień doktara ekanamičnych navuk.

Jaho chobi — sport i knihi.

U 2004—2005 hh. Butkiavičus byŭ ministram finansaŭ va ŭradzie Alhirdasa Brazaŭskasa. U 2006—2008 hh. pracavaŭ ministram transpartu i kamunikacyj.

U 2005 Butkiavičus padaŭ u adstaŭku z pasady ministra finansaŭ, tak jak kaalicyjnaja rada nie ŭchvaliła jaho padatkovuju reformu. Nieaficyjna havaryłasia, što ministr syšoŭ u adstaŭku z-za roznahałośsiaŭ ź lidaram Partyi pracy Viktaram Uspaskich, jaki tady byŭ ministram ekanomiki.

U 2009 h. braŭ udzieł u prezidenckich vybarach, zaniaŭ 2-je miesca, nabraŭšy 11,8% hałasoŭ.

0

0

0

0

0

0

Ehle Samaškajcie, Šarunas Čarniaŭskas, Delfi.lt

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH