Miadźviedziroŭka: ad pačatku i da kanca.
«Dyktatara možna nienavidzieć, im možna pahardžać ci jaho možna bajacca. Adzinaja reč, jakuju dyktatar nie moža vytryvać — kab ź jaho kpili,» — tak pačynajuca pieršyja siekundy videavizitoŭki prajekta «Miškipa-nad Biełaruśsiu» šviedskahapijar-ahienctva Studio Total, jaki atrymaŭ «zołata» u prestyžnym konkursie Epica Awards u katehoryi «pijar».
Zhodna ź viersijaj Studio Total, u skandalna viadomaje ahientstva (mienavita jany spalili 100 tysiačaŭ šviedskich kron u pratest suprać dyskryminacyi pa zarobku na hiendarnych padstavach) źviarnulisia ludzi, jakija zmahajucca za prava čałavieka ŭ Biełarusi i paprasili Studio Total pryciahnuć uvahu da situacyi ŭ krainie.
Šviedskija pijarščyki doŭha dumali, jak prymusić śviet razmaŭlać pra Biełaruś, pakul nie ŭbačyli artykuł pra Paŭła Vinahradava i jaho «cacačny mitynh»(pre hetym na skrynšocie vidać, što ŭbačyli na sajcie «Chartyi'97»). Tady šviedy prydumali, što treba skinuć na Biełaruś plušavych miadźviedzikaŭ z płakatami ŭ padtrymku svabody słova.
Ale realizavać ideju ŭdałosia nie adrazu: piłoty nie zhadžalisia lacieć u Biełaruś, bo ŭ Biełarusi, jak śćviardžaje prapahanda, samaja mocnaja supraćpavietranaja abarona ŭ Jeŭropie,jakaja ŭžo źbiła ni ŭ čym nie vinavatych amierykanskich pavietrapłavalnikaŭ niekalki hadoŭ tamu (darečy, sami piłoty pryznalisia, što daviedalisia pra amierykanskich aeranaŭtaŭ užo paśla palotu). Praz hetyja abstaviny šviedam z Studio Total pryjšłosia samim kupić samalot, navučycca lotać i ryzyknuć svaim žyćciom.
Vyniki «miadźviedziroŭki», pa mierkavańni Studio Total, całkam dasiahnuli metaŭ: pra Biełaruś zahavaryli na BBC, Al Jazeera, CNN i NBC. Miadźviedziki doŭha trymalisia ŭ topach biełaruskich i rasijskich ŚMI,źjavilisia ŭ šmatlikich dakumientalnych stužkach. Incydent «vymusiŭ Łukašenku zvolnić staršyniu VPS, staršyniu Džiaržpahrankamiteta dy inšych, a taksama spynić prodaž sistemaŭ SPA Uha Čaviesu». Apošniaje śćviardžeńnie sustrakajecca, darečy, upieršyniu. Taksama akcyja šviedaŭ zrabiła miadźviedzika simałam pratestu i zmahańnia za svabodu słova ŭ Biełarusi. U videa heta prailustravana miadźviedzikami z płakatami «Svabodu Surapinu» biez anivodnaj zhadki ni pra Surapina, ni pra Bašarymava.
Pafasnaja biełaruskaja dyktatura sapraŭdy z tymi miadźviedzikami sieła ŭ haloš. Učora dźmuli ščoki na paradzie, a nazaŭtra źbirali miadźviedzikaŭ u dvarach. Ale pry hetym u Studio Total pieradusim udałasia vydatnaja pramocyja Studio Total.Šviedy skardzilisia, što letaś amierykanskaja «śvieckaja lvica» Kim Kardašjan uzhadvałasia ŭ navinach miljony razoŭ, u toj čas, kali biełaruskaja apazicyja — adno niekalki sotniaŭ.
Zatoje siońnia pošukavik Google pa zapycie Studio Total vydaje bolš vynikaŭ, čym pa zapytach «Belarus opposition» i «Kim Kardashian» razam.
0
0
0
0
0
0
