U Bresckim rajonie 29 listapada prykładna ŭ 10.40 u DTZ paciarpieła 11-hadovaja dziaŭčynka,
paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk.
Pavodle jaje słoŭ, u pasiołku Muchaviec na skryžavańni vulic 60 hadoŭ Kastryčnika i Lasnaja pry levym pavarocie 40-hadovy miascovy žychar, jaki kiravaŭ aŭtamabilem «Ford Eskort», nie prapuściŭ «Micubisi Śpiejs Vahon», što ruchaŭsia pa hałoŭnaj darozie, i ŭrezaŭsia ŭ jaho.
U vyniku avaryi paciarpieła 11-hadovaja dziaŭčynka, jakaja znachodziłasia na zadnim pasažyrskim siadzieńni «Micubisi.»
«Z zakrytaj čerapna-mazhavoj traŭmaj, strasieńniem mazhoŭ, udaram nahi školnica, žycharka Małaryckaha rajona, špitalizavana ŭ Bresckuju abłasnuju dziciačuju balnicu. I kali b jana była pryšpilena ramianiom biaśpieki, takich traŭm, chutčej za ŭsio, nie było b», — dapoŭniła Sacharčuk.
Vadzicieli transpartnych srodkaŭ nie paciarpieli.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
