Jak pasłuchaješ aficyjnyja ŚMI, dyk składajecca ŭražańnie, što ŭsia Maskva na apošnim tydni vieraśnia tolki i havaryła, što pra Dni Biełarusi. Na žal, heta daloka nia tak.
Reklamy Dzion Biełarusi ŭ maskoŭskich ŚMI było prykładna stolki, kolki jaje byvaje, kali siudy pryjaždžajuć na hastroli najlepšyja biełaruskija teatry, — h.zn. nikolki.
Ja daviedałasia pra Dni Biełarusi ź biełaruskich sajtaŭ. Zrazumieła, što maskvičy nie siadziać kala kamputaraŭ dziela taho, kab daviedacca pra padziei ŭ Biełarusi: ich biełaruskija naviny zusim nie cikaviać. Z našaj hałoŭnaj krynicy infarmacyi — telebačańnia — pajšli paviedamleńni pra Dni Biełarusi tolki ŭ dzień pryjezdu Łukašenki 30 vieraśnia, kali cikavyja nasielnictvu kirmašovyja dni ŭžo skončylisia. Nu nielha, viadoma, skazać, kab zusim nie było nijakich abviestak pra Dni Biełarusi — u niekatorych akruhach visieli nievialikija plakaty, jakija zaturkanyja žyćciom maskvičy zvyčajna redka zaŭvažajuć; napeŭna, paru razoŭ uzhadali na radyjo.
Poŭny varyjant artykuła hladzicie ŭ haziecie "Naša Niva".
