Kiroŭcy pryvatnaha «radyjotaksi» ŭ Vaŭkavysku skončyli haładoŭku nia vymušana, ad biesperspektyŭnaści zmahańnia, a — damohšysia zadavalnieńnia ŭłasnych patrabavańniaŭ.
Vypadak biesprecedentny. Niekatoryja paśpieli pahaładać niašmat — litaralna dva-try dni, inšyja — tydzień, častka — dva tydni. A sam uładalnik taksovak Mikałaj Aŭtuchovič — kala dvaccaci dzion.
Nahadaju fabułu. U pradprymalnika Aŭtuchoviča aryštavali trynaccać aŭtamabilaŭ — u zakład za štraf, prydumany padatkovaj słužbaj. Dzieviać mersedesaŭ-taksovak, dva mikraaŭtobusy-mersedesy, jašče adzin «mikrobus», na vykarystańnie jakoha dla pieravozki pasažyraŭ ułady «paškadavali» licenziju, i mašyna-evakuatar vielmi kalarytna vyhladali na štrafnoj aŭtastajancy DAI za horadam.
Poŭny varyjant artykułu hladzicie ŭ hazecie "Naša Niva".
