Kamentar da «paksashiejtu» litoŭskaha tydniovika «Veidas».
Prezydent Litvy Rałandas Paksas pa źjaŭleńni pieršych abvinavačańniaŭ na adras svaich daradcaŭ zajaviŭ, što heta «zmova». Nie prajšło i dvuch tydniaŭ ad pačatku skandału, a Paksas pra tyja słovy ŭžo nat nia zhadvaje.
Adnak dakumenty, znojdzienyja prakuraturaj u domie Jurja Barysava, najbujniejšaha prezydentavaha sponsara, spryčynilisia da viartańnia temy «zmovy». Tolki ciapier havorka idzie ab zmovie sapraŭdnaj. Hramadzkaść daviedałasia pra plan «Strakaza», metaj jakoha była pieradača ŭsioj ułady ŭ krainie liberalnym demakratam i asabista Paksasu. Inakš jak zmovaj hety plan nielha nazvać. Zmovaj suprać demakratyi, zmovaj suprać dziaržavy. Toje, što plan nie ŭdałosia ažyćciavić, pierš za ŭsio pośpiech Litvy i specsłužbaŭ jaje sajuźnikaŭ. Zmoŭščykaŭ vydaŭ ich sposab myśleńnia, jakoha jany nie mahli i, peŭna, nikoli nia zmohuć źmianić. Hledziačy z vyšyni svaich pasad na litoŭcaŭ-«niedačałaviekaŭ», jany byli nia ŭ stanie pavieryć, što hetaja kraina, ź ich punktu hledžańnia nia vartaja navat taho, kab nazyvacca dziaržavaj, moža procipastavić niešta vialikim analitykam z KHB. Što ŭ Litvie mohuć dziejničać prafesijnyja słužby biaśpieki, jakija karystajucca pavahaj kaleh z-za akijanu. Što ŭ Litvie za 14 hadoŭ niezaležnaści, niahledziačy ni na što, uźnikła hramadzianskaja supolnaść. Što ŭ Litvie nia ŭsio i nia ŭsich možna kupić. Što Litva, niahledziačy ni na što, zrabiłasia eŭrapiejskaj dziaržavaj.
Aŭdrus Bačulis
