Chłopcy śćviardžajuć, što ŭ sacyjalnaj sietcy čałaviek pad nikam «Mitrochin» dasyłaŭ 14-hadovamu chłopčyku paviedamleńni z seksualnymi prapanovami.
«Mitrochin» zaprašaŭ niepaŭnaletniaha na intym u hramadskim tualecie.
Chłopčyk źviarnuŭsia da darosłych siabroŭ.
U vyniku naviaźlivaha bieraściejca zaprasili nibyta na kvateru da padletka, kali jahonych baćkoŭ nie było doma. Kvatera akazałasia padstaŭnoj — tam užo čakali dužyja chłopcy.
Kali ŭ dźviery akurat hetaj kvatery pazvaniŭ darosły mužčyna, jaho zaciahnuli ŭnutr. Na karotkim videa, jakoje vykłali ŭ internecie, niama scenaŭ źbićcia, što časta prysutničaje na videa inšych «palaŭničych».
Miž inšym, na videa paznali redaktara haziety «Viečiernij Briest» 57-hadovaha Š. «Chłopcy, ja zajmajusia tym, čym zajmajeciesia vy», — tłumačyć Š. pierad kamieraj.
Mužčyna ŭ razhublenaści. Na videa jon prapanuje ŭsio patłumačyć adnamu z «palaŭničych», ale biez prysutnaści astatnich.
Paśla jaho zdali milicyi. Pry sabie ŭ mužčyny, pa słovach «palaŭničych», znajšli preziervatyvy i zmazku.
«Kali jany sapraŭdy tyja, za kaho siabie vydajuć, i ich metaj źjaŭlajecca spynieńnie dziejańniaŭ padobnaha kštałtu, to heta ŭ rečyščy adnych pamknieńniaŭ, jakija pieraśledavała i vydańnie — kab pakazać i raskazać pra hetuju prablemu. Zamiest hetaha jany, nie raźbirajučysia i nie ŭnikajučy, zaličyli mianie ŭ razrad złačyncaŭ», — skazaŭ hałoŭred u razmovie z Tut.by. Jon adznačyŭ, što pryjšoŭ na kvateru dla padrychtoŭki materyjała pra «palaŭničych na piedafiłaŭ».
