Рэйтынг Барака Абамы апусціўся да рэкордна нізкага ўзроўню за час яго прэзідэнцтва. На сёння яго падтрымліваюць усяго 41% выбарцаў. Такія звесткі дало супольнае апытанне тэлеканала ABC News і газеты Washington Post.
Толькі 42% рэспандэнтаў ўхваляюць ягоную палітыку ў сферы эканомікі, 37% амерыканцаў згодныя з планам рэалізацыі рэформы аховы здароўя Obamacare і ўсяго 34% апытаных лічаць разумнымі яго дзеянні ў сітуацыі ва Украіне.
Першыя лічбы прыкладна адпавядаюць ранейшым паказчыкам. А вось нерашучасць Абамы па Украіне асабліва непапулярная.
Некаторыя эксперты параўноўваюць яго палітыку са спробамі брытанскага прэм'ера Нэвіла Чэмберлена ўміратварыць Гітлера перад Другой сусветнай вайной.
0
0
0
0
0
0
