У вёсцы Вялікая Бароўка пад Магілёвам у выніку начнога пажару загінулі чатыры чалавекі.
Як паведамілі БелаПАН у Магілёўскім абласным упраўленні МНС, інфармацыя аб узгаранні паступіла ад жанчыны, якая пражывае ў суседнім доме.
Калі першае падраздзяленне ратавальнікаў прыбыло да месца здарэння, аднапавярховы цагляны дом быў поўнасцю ахоплены полымем. У ім пражывалі пенсіянерка са сваім сужыцелем і 30-гадовым сынам.
«Падчас ліквідацыі пажару звяном у доме ў розных пакоях былі знойдзены чатыры трупы: гаспадыні дома, яе сужыцеля, сына гаспадыні і яе 49-гадовай дачкі», — расказалі ва ўпраўленні.
Таксама ў выніку пажару знішчаны дах, пашкоджана маёмасць унутры дома, веранда. Прычына ўзгарання высвятляецца.
0
0
0
0
0
0
