U vioscy Vialikaja Baroŭka pad Mahilovam u vyniku načnoha pažaru zahinuli čatyry čałavieki.
Jak paviedamili BiełaPAN u Mahiloŭskim abłasnym upraŭleńni MNS, infarmacyja ab uzharańni pastupiła ad žančyny, jakaja pražyvaje ŭ susiednim domie.
Kali pieršaje padraździaleńnie ratavalnikaŭ prybyło da miesca zdareńnia, adnapaviarchovy cahlany dom byŭ poŭnaściu achopleny połymiem. U im pražyvali piensijanierka sa svaim sužycielem i 30-hadovym synam.
«Padčas likvidacyi pažaru źvianom u domie ŭ roznych pakojach byli znojdzieny čatyry trupy: haspadyni doma, jaje sužyciela, syna haspadyni i jaje 49-hadovaj dački», — raskazali va ŭpraŭleńni.
Taksama ŭ vyniku pažaru źniščany dach, paškodžana majomaść unutry doma, vieranda. Pryčyna ŭzharańnia vyśviatlajecca.
0
0
0
0
0
0