МЗС Беларусі праінфармаваў брытанскае пасольства ў Мінску пра тое, што брытанскаму грамадзяніну Філіпу Уорыку (Filip Warwick) на тры гады забараняецца ўезд у Беларусь.
Пра гэта ён паведаміў на сваёй старонцы ў «Фэйсбуку».
Філіп Уорык асвятляў падзеі ў Мінску 25 Сакавіка. Падчас акцыі каля плошчы Перамогі ў часе разгону яго затрымалі разам з многімі мітынгоўцамі.
Пазней ён напісаў, што амапаўцы закавалі яго ў кайданкі, не дазвалялі звязацца з амбасадай, білі па твары. Больш за 6 гадзін Уорык правёў у РУУС, пасля чаго быў адпушчаны.
Філіп Уорык — фатограф і радыёжурналіст, працуе на англійскую службу Міжнароднага францускага радыё, радыёстанцыю «Нямецкая хваля» ды іншыя СМІ.
0
0
0
0
0
0