MZS Biełarusi prainfarmavaŭ brytanskaje pasolstva ŭ Minsku pra toje, što brytanskamu hramadzianinu Filipu Uoryku (Filip Warwick) na try hady zabaraniajecca ŭjezd u Biełaruś.
Pra heta jon paviedamiŭ na svajoj staroncy ŭ «Fejsbuku».
Filip Uoryk aśviatlaŭ padziei ŭ Minsku 25 Sakavika. Padčas akcyi kala płoščy Pieramohi ŭ časie razhonu jaho zatrymali razam z mnohimi mitynhoŭcami.
Paźniej jon napisaŭ, što amapaŭcy zakavali jaho ŭ kajdanki, nie dazvalali źviazacca z ambasadaj, bili pa tvary. Bolš za 6 hadzin Uoryk pravioŭ u RUUS, paśla čaho byŭ adpuščany.
Filip Uoryk — fatohraf i radyjožurnalist, pracuje na anhlijskuju słužbu Mižnarodnaha francuskaha radyjo, radyjostancyju «Niamieckaja chvala» dy inšyja ŚMI.
0
0
0
0
0
0
