Сёння ўначы пяцёра невядомых напалі на эканаміста Сяргея Чалага. Цяпер ён знаходзіцца ў шпіталі з чэрапна-мазгавой траўмай і пераломам носа.
Усё здарылася каля поўначы. Сяргей Чалы разам з двума сябрамі выходзіў з бара. Праз некалькі хвілін да іх падбеглі пяць чалавек і пачалі збіваць.
Чалы лічыць, што напад быў спланаваны.
«Таварышаў амаль не закранула, білі мяне. І толькі па галаве — на целе нават сінякоў няма, — распавёў Сяргей Чалы Tut.by. — Усё выглядала даволі дзіўна. Яны не тое, што міма праходзілі, маўляў, «дай закурыць». І не было прэтэнзій да ўсёй кампаніі. Тады б аднолькава дасталася ўсім».
Сяргей Чалы напісаў заяву ў міліцыю на нападнікаў. Ён мяркуе, што на аднаўленне яму спатрэбіцца не менш за месяц.
0
0
0
0
0
0