Скандальнага бізнэсмена Аркадзя Ізраілевіча затрымалі ў аўторак 30-га кастрычніка, папярэдне — пры спробе дачы хабару для ўрэгулявання бягучых будаўнічых пытанняў.
Чытайце: Крыніцы: За спробу даць хабар затрыманы Аркадзь Ізраілевіч
Факт затрымання пацвердзілі блізкія да Ізраілевіча людзі, але гісторыя застаецца загадкавай: ніводнае сілавое ведамства не прызнае сваю датычнасць.
2 лістапада прайшлі 72 гадзіны з моманту затрымання — а гэта той час, які чалавека могуць утрымліваць пад вартай без выстаўлення абвінавачвання.
Праўда, па некаторых артыкулах, кшталту «Стварэнне злачыннай арганізацыі» і «Тэрарызм» тэрмін знаходжання пад вартай без выстаўлення абвінавачвання можа быць 10 сутак.
На дадзены момант сувязі з Ізраілевічам няма, адвакат бізнэсмена адмаўляецца адказваць хоць на якое пытанне.
З чаго можна зрабіць выснову, што Ізраілевіч знаходзіцца пад вартай.
