Skandalnaha biznesmiena Arkadzia Izraileviča zatrymali ŭ aŭtorak 30-ha kastryčnika, papiarednie — pry sprobie dačy chabaru dla ŭrehulavańnia biahučych budaŭničych pytańniaŭ.
Čytajcie: Krynicy: Za sprobu dać chabar zatrymany Arkadź Izrailevič
Fakt zatrymańnia paćvierdzili blizkija da Izraileviča ludzi, ale historyja zastajecca zahadkavaj: nivodnaje siłavoje viedamstva nie pryznaje svaju datyčnaść.
2 listapada prajšli 72 hadziny z momantu zatrymańnia — a heta toj čas, jaki čałavieka mohuć utrymlivać pad vartaj biez vystaŭleńnia abvinavačvańnia.
Praŭda, pa niekatorych artykułach, kštałtu «Stvareńnie złačynnaj arhanizacyi» i «Teraryzm» termin znachodžańnia pad vartaj biez vystaŭleńnia abvinavačvańnia moža być 10 sutak.
Na dadzieny momant suviazi ź Izrailevičam niama, advakat biznesmiena admaŭlajecca adkazvać choć na jakoje pytańnie.
Z čaho možna zrabić vysnovu, što Izrailevič znachodzicca pad vartaj.
