Сёння ў Гродне суд вынес вырак у дачыненні экс-дырэктаркі турфірмы, што прайграла грошы кліентаў на стаўках, паведамляе БелТА.
Яна прызнана вінаватай у здзяйсненні злачынстваў, прадугледжаных арт.380 КК (падробка дакументаў), арт.209 КК (махлярства), арт.211 КК (прысваенне або растрата), арт.216 КК (прычыненне маёмаснай шкоды). У выніку яна пакарана пяццю гадамі пазбаўлення волі з адбываннем пакарання ў папраўчай калоніі ва ўмовах агульнага рэжыму з канфіскацыяй маёмасці. Акрамя таго, яна на пяць гадоў пазбаўленая права займаць пасады, звязаныя з улікам, захоўваннем і распараджэннем таварна-матэрыяльнымі каштоўнасцямі.
Раней жанчына як заснавальнік аднаго з ТАА аказвала турыстычныя паслугі. У нейкі момант яна вырашыла выкарыстоўваць грошы кліентаў у асабістых мэтах. Сума шкоды склала каля 45 тыс. рублёў. Кожны з 15 пацярпелых згубіў ад 600 да 8 тыс. рублёў.
Як паведамлялася, экс-дырэктар выкарыстала чужыя грошы для ставак - уся сума была прайграна.
