Siońnia ŭ Hrodnie sud vynies vyrak u dačynieńni eks-dyrektarki turfirmy, što prajhrała hrošy klijentaŭ na staŭkach, paviedamlaje BiełTA.
Jana pryznana vinavataj u ździajśnieńni złačynstvaŭ, praduhledžanych art.380 KK (padrobka dakumientaŭ), art.209 KK (machlarstva), art.211 KK (prysvajeńnie abo rastrata), art.216 KK (pryčynieńnie majomasnaj škody). U vyniku jana pakarana piaćciu hadami pazbaŭleńnia voli z adbyvańniem pakarańnia ŭ papraŭčaj kałonii va ŭmovach ahulnaha režymu z kanfiskacyjaj majomaści. Akramia taho, jana na piać hadoŭ pazbaŭlenaja prava zajmać pasady, źviazanyja z ulikam, zachoŭvańniem i rasparadžeńniem tavarna-materyjalnymi kaštoŭnaściami.
Raniej žančyna jak zasnavalnik adnaho z TAA akazvała turystyčnyja pasłuhi. U niejki momant jana vyrašyła vykarystoŭvać hrošy klijentaŭ u asabistych metach. Suma škody skłała kala 45 tys. rubloŭ. Kožny z 15 paciarpiełych zhubiŭ ad 600 da 8 tys. rubloŭ.
Jak paviedamlałasia, eks-dyrektar vykarystała čužyja hrošy dla stavak - usia suma była prajhrana.
