Як вынікае з хвіліннага выступлення Лукашэнкі, Пашынян запатрабаваў ад саюзнікаў дакладнай ацэнкі сітуацыі і выразнага акрэслення сваёй пазіцыі. «Вы што, не ведаеце нашу пазіцыю? Мы хочам, каб паміж дзвюма суседнімі дзяржавамі канфлікт быў урэгуляваны мірным шляхам», — раздражнёна адказаў Лукашэнка. 

Другое пытанне, пастаўленае Пашынянам, тычылася дарожнай карты, якую саюзнікі мелі б прапанаваць па «аднаўленні тэрытарыяльнай цэласнасці Арменіі». Тут Лукашэнка ўвогуле прыняў вельмі рэзкі тон, збіўшыся ледзь не не крык: «Якую дарожную карту? Я вам на гэта адразу адказваю: сядзьце з Ільхамам Аліевым, калі трэба, папрасіце прэзідэнта Расіі і прыміце рашэнне. Не прымеце сёння — будзе ж горш, вы самі разумееце. Нам не патрэбны гэты канфлікт. Вось вы два пытанні паставілі, яны больш чым дзіўныя, Нікол Ваваевіч». 

Перад тым ён выказаўся пра вайну ў Карабаху: «Хлопцы, вы за што ваюеце? Вы за што ваюеце ў гэтых гарах на 2 тысячы метраў вышынёй? Загубілі тры сотні чалавек, тры сотні чалавек загінула — там дзе людзі не жывуць, дзе нават козы не ходзяць. Чаго вы ваюеце? Сядзьце вы ўдваіх, дамоўцеся, і хай Расія асвяціць гэтую дамову. Але вы ж не хочаце. Нейкая тут гульня».

Варта адзначыць, што для Арменіі ўвесь сэнс знаходжання ў АДКБ і іншых постсавецкіх інтэграцыйных структурах, аб'яднаных вакол Расіі, — выключна спадзяванне на тое, што Расія разам з іншымі членамі АДКБ, калі што, дапаможа ёй і абароніць у выпадку абвастрэння канфлікту з Азербайджанам за Нагорны Карабах, які цягнецца ўжо больш за 30 гадоў. Ніякіх іншых рэзонаў быць менавіта ў гэтай кампаніі ў армян няма. І калі Расія ў гэтай дапамозе адкрыта адмаўляе — а Лукашэнка яўна выказвае не толькі сваю ўласную пазіцыю — то ад армянскага кіраўніцтва можна чакаць геапалітычнай пераарыентацыі. Прынамсі, такой, якая магчымая ў тых складаных умовах, у якіх знаходзіцца ў сваім рэгіёне Арменія.

Вядома, цяперашняя пазіцыя Пуціна і Лукашэнкі зусім не ад празмернага міралюбства і прыхільнасці да мірных метадаў вырашэння праблем. Расія акурат вельмі шмат зрабіла для таго, каб гэты канфлікт не вырашаўся дзесяцігоддзямі і атручваў адносіны ў рэгіёне, бо лічыла, што гэта ў яе інтарэсах. Нявырашанасць карабахскага канфлікту дазваляла Крамлю цвёрда трымаць Арменію ў сферы сваіх уплываў. Але цяпер у Пуціна рукі моцна звязаныя ва Украіне, і непасрэдна ўлазіць ва ўмовах недахопу сілаў на гэтым жыццёва важным для яго фронце яшчэ і ў канфлікт на Паўднёвым Каўказе ён не можа сабе дазволіць.

Лукашэнка ж у дадзеным выпадку выказвае прамым тэкстам тое, што не можа гэтак жа сама сказаць ягоны палітычны патрон, ад якога ён знаходзіцца ў поўнай залежнасці. Параза Пуціна ва Украіне можа з вялікай доляй верагоднасці выклікаць крах абодвух рэжымаў. У такой сітуацыі не дзіўна, чаму «нясвоечасовыя» армянскія праблемы так раздражняюць Лукашэнку. Тым больш што ён даўно мае палітычныя кантакты з прэзідэнтам Азербайджана Ільхамам Аліевым, і карысці ад іх куды больш, чым ад адносін з Пашынянам. Бо Азербайджан, па-першае, значна багацейшы. А па-другое, адносіны з Аліевым куды прасцей будаваць на аснове салідарнасці аўтарытарыяў.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

3
Вот и все скрепы. Главное власть и бабки от сатаны / Адказаць
28.10.2022
Показательно, все скрепы, в виде важности московского православия и христианства, летят в тар-та-ра-ры. Смешно и грустно, Россия обвинила в "сатанизме" православных Украины,  а сама, в лучших традициях сатанистов, убивает православных Украины, убиваетправославных христиан Украины, их детей, женщин, стариков Украины, с участием, в этом геноциде, власти лукашенко, а тут, какие-то православные христиане Армении появились (нарисовались, так у лукашенко и путина) и просят защиты у единоверцев.
 Вопрос, кто, по итогу, - САТАНА ???
 Главный сатанист Беларуси наорал, на Пашиняна, от имени главного сатаниста России.
0
Гэты гэнага піхнуў, гэны паваліўся / Адказаць
28.10.2022
А Расея не суседка з Украінай? Адным адно кажа, другім - другое, трэццім - што з Расеяй да канца. Ляпала, а не кіраўнік дзяржавы (самапрызначаны).
1
Алекс / Адказаць
28.10.2022
Что еще ожидать от хама? Сочувствую всем (кроме пу и ему подобных), кто вынужден иметь дело с этим существом.
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру