Фота: corriere.it
У раёне правядзення гонкі ў правінцыі Эмілья-Раманья моцныя залевы, якія прывялі да паводкі. Кіраўніцтва «Ф-1» пасля абмеркаванняў прыняло рашэнне не праводзіць спаборніцтвы.
«Я хачу выказаць сваю падзяку і захапленне неверагоднымі экстраннымі службамі, якія без стомы працуюць, каб дапамагчы тым, хто мае патрэбу ў дапамозе, каб аблегчыць сітуацыю, — яны героі, і ўся Італія ганарыцца імі.
Рашэнне, якое было прынята, правільнае для ўсіх мясцовых абшчын і сям'і «Формулы-1», бо мы павінны гарантаваць бяспеку і не ствараць дадатковага цяжару для ўлады, пакуль яна мае справу з гэтай жахлівай сітуацыяй», — сказаў прэзідэнт «Ф-1» Стэфана Даменікалі.
Па апошніх звестках ад моцнай паводкі загінула восем чалавек.