БАТЭ ў суботу можа сёмы раз стаць чэмпіёнам краіны

У суботу можа вырашыцца лёс залатых медалёў футбольнага чэмпіянату. Дзеля гэтага шасціразоваму чэмпіёну краіны барысаўскаму БАТЭ (1999, 2002, 2006, 2007, 2008, 2009) дастаткова не прайграць у Бабруйску нематываванай «Белшыне» — за два туры да фінішу БАТЭ апярэджвае салігорскі «Шахцёр» на 6 балаў.

Стадыён «Спартак» (Бабруйск), Пачатак, а 14-й. Уваход вольны.

«Шахцёр» згуляе з дома з «Нёманам», які, у сваю чаргу, змагаецца, за права не гуляць у пераходных матчах.

Калі БАТЭ сёлета заваюе золата, то ён дагоніць па колькасці тытулаў (сем) мінскае «Дынама» (1992, 1992/93, 1993/94, 1994/95, 1995, 1997, 2004).

У Мінску на стадыёне «Дынама-Юні», у Кунцаўшчыне, згуляюць дынамаўцы Мінска і Брэста. Уваход на стадыён таксама вольны.

Сталічны клуб змагаецца за 3-е месца: г.зн. за права трапіць у Лігу Еўропы.

ФК «Мінск», які зараз ідзе 3-м, свой матч правядзе ў гасцях супраць «Віцебска».

Іншыя матчы:

«Дняпро» (Магілёў) — «Тарпеда» Жодзіна, «Нафтан» Наваполацк — «Партызан» (МІнск). У гэтых парах фактычна вырашаецца лёс адной з пуцёвак к першую лігу, другая будзе разыграна ў пераходным матчы з 2-м камандай 1-й лігі.

Пачатак усіх суботніх матчаў - а 14-й.

Пасля 31 тура: БАТЭ — 69, Шахцёр — 63, Мінск — 54, Дынама Мінск — 53, Белшына — 45, Нафтан — 43, Дынама Брэст — 43, Дняпро — 40, Віцебск — 32, Нёман — 25,Тарпеда — 22, Партызан — 19.

Апошні тур пройдзе 21 лістапада.

АГ

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ