Тэлеканал «Дождь» развітаецца са студыяй у Рызе
Расійскі тэлеканал «Дождь» пазбавіцца студыі ў Рызе. Тэлеканал TV3, у якога «Дождь» арандаваў памяшканні для студый, збіраецца разарваць з ім дагавор арэнды, паведамляе Delfi.
16.12.2022 / 22:23
«На падставе рашэння Нацыянальнай рады па электронных СМІ ануляваць ліцэнзію «Дождя» мы не бачым магчымасці далейшага карыстання памяшканнем, у сувязі з чым дамова арэнды будзе скасаваная і памяшканне неабходна вызваліць у студзені», — заявіў прадстаўнік TV3 Карліс Пазнякоў.
6 снежня Нацыянальная рада па электронных СМІ Латвіі анулявала ліцэнзію на вяшчанне тэлеканала з-за пагрозы нацыянальнай бяспецы і грамадскаму парадку. Скандал вакол «Дождя» ў Латвіі пачаўся з-за выказвання аднаго з вядучых пра расійскіх вайскоўцаў.