ЦСКА беларуса Ганчарэнкі сенсацыйна разграміў у Мадрыдзе «Рэал» — 3:0
Аднак расійская каманда заняла апошняе месца ў групе і не здолела прабіцца нават у Лігу Еўропы.
uefa.com
Маскоўскі ЦСКА, які ўзначальваюць беларускія трэнеры Віктар Ганчарэнка і Аляксандр Ермаковіч, разграміў у Мадрыдзе ў матчы Лігі чэмпіёнаў «Рэал» з лікам 3:0 (галы забілі Чалаў, Шчэннікаў і Сігурдсан).
ℹ️ CSKA Moskva inflict Real Madrid's heaviest ever European home loss...
Chalov, Schennikov, Sigurdsson #UCLpic.twitter.com/XxCubCPcUP
З аднаго боку «Рэал» гуляў паўрэзервам і датэрмінова гарантаваў сабе першае месца ў групе. З іншага боку — гэта дзеючы пераможца Лігі чэмпіёнаў. Аднак і ў Маскве, два месяцы таму, ЦСКА перамог таксама іспанцаў — 1:0.
На жаль, перамога не дазволіла армейцам прабіцца хаця б у Лігу Еўропы. «Вікторыя» выйграла сёння ў «Ромы» 2:1 і заняла трэцяе месца.
ЦСКА згуляў з «Вікторыяй» у гасцях унічыю, але прайграў дома.
Рэал — 12, Рома — 9, Вікторыя — 7, ЦСКА — 7.
У чацвер БАТЭ гуляе ў Лізе Еўропы ў гасцях з ПАОКам. У выпадку перамогі беларускі клуб выйдзе ў 1/16 фіналу турніру. Нічыя дае пропуск у наступны этап, калі «Відзі» не выйграе ў «Чэлсі».
