CSKA biełarusa Hančarenki siensacyjna razhramiŭ u Madrydzie «Reał» — 3:0
Adnak rasijskaja kamanda zaniała apošniaje miesca ŭ hrupie i nie zdoleła prabicca navat u Lihu Jeŭropy.
uefa.com
Maskoŭski CSKA, jaki ŭznačalvajuć biełaruskija treniery Viktar Hančarenka i Alaksandr Jermakovič, razhramiŭ u Madrydzie ŭ matčy Lihi čempijonaŭ «Reał» ź likam 3:0 (hały zabili Čałaŭ, Ščeńnikaŭ i Sihurdsan).
ℹ️ CSKA Moskva inflict Real Madrid's heaviest ever European home loss...
Chalov, Schennikov, Sigurdsson #UCLpic.twitter.com/XxCubCPcUP
Z adnaho boku «Reał» hulaŭ paŭreziervam i daterminova harantavaŭ sabie pieršaje miesca ŭ hrupie. Ź inšaha boku — heta dziejučy pieramožca Lihi čempijonaŭ. Adnak i ŭ Maskvie, dva miesiacy tamu, CSKA pieramoh taksama ispancaŭ — 1:0.
Na žal, pieramoha nie dazvoliła armiejcam prabicca chacia b u Lihu Jeŭropy. «Viktoryja» vyjhrała siońnia ŭ «Romy» 2:1 i zaniała treciaje miesca.
CSKA zhulaŭ z «Viktoryjaj» u haściach uničyju, ale prajhraŭ doma.
Reał — 12, Roma — 9, Viktoryja — 7, CSKA — 7.
U čaćvier BATE hulaje ŭ Lizie Jeŭropy ŭ haściach z PAOKam. U vypadku pieramohi biełaruski kłub vyjdzie ŭ 1/16 finału turniru. Ničyja daje propusk u nastupny etap, kali «Vidzi» nie vyjhraje ŭ «Čełsi».
