БПС-Сбербанк пачаў афармляць крэдыты для бізнэсу ўсяго за дзве гадзіны
Беларускім прадпрымальнікам прапанавалі ўзяць крэдыт на развіццё бізнэсу ўсяго за 2 гадзіны. БПС-Сбербанк скараціў час прыняцця рашэння да рэкорднага мінімуму. У звышхуткім рэжыме можна атрымаць крэдыт на суму да $180 тысяч. Прапанова даступная для бізнэсу са штогадовай выручкай да $2 млн.
У паскораным фармаце даступны крэдыт на суму да $180 тысяч, які выдаецца пад паручыцельства ўласніка бізнэсу. Пазыкай могуць скарыстацца індывідуальныя прадпрымальнікі і юрыдычныя асобы з ліку малога бізнэсу, прычым як дзейсныя, так і новыя кліенты банка.
Праект рэалізаваны дзякуючы банкаўскім інавацыям. У прыватнасці, спецыялісты банка аўтаматызавалі тры працэсы: верыфікацыю удзельнікаў, прыняцце рашэння па здзелцы і фарміраванне крэдытнай дакументацыі.
Таксама ў БПС-Сбербанку стварылі адзінае працоўнае месца для ўсіх зацікаўленых службаў і ўкаранілі новую скорынгавую мадэль на аснове Big Data. Гэта дазволіла радыкальна скараціць тэрміны і істотна павялічыць адсотак станоўчых рашэнняў па крэдытных заяўках.
