Жыхара Новалукомля асудзілі на 2,5 года «хіміі» за БЧБ— і ўкраінскі сцягі на гармаце
Жыхара Новалукомля асудзілі на 2,5 года «хіміі» за графіці. Прысуд вынес суд Чашніцкага раёна, паведамляе пракуратура. Маладому чалавеку былі інкрымінаваныя апаганьванне збудаванняў і псаванне маёмасці.
Паведамляецца, што ў сакавіку 2022 года ён нанёс «надпісы экстрэмісцкага зместу» на трубаправод Лукомскай ГРЭС, а ў маі намаляваў беларускі і ўкраінскі сцягі на гармаце, устаноўленай на тэрыторыі вайсковага пахавання.
«Ён жа ў маі 2022 года нанёс на паверхню артылерыйскай гарматы на тэрыторыі воінскага пахавання, размешчанага ў вёсцы Старыя Лаўкі Чашніцкага раёна, малюнак сцяга ў выглядзе трох гарызантальных палос бела-чырвона-белага колеру, а таксама малюнак сцяга ў выглядзе дзвюх гарызантальных палос сіне-жоўтага колеру», — гаворыцца ў паведамленні пракуратуры.
Прысуд яшчэ не ўступіў у законную сілу і можа быць абскарджаны.