УСУ паведамілі пра 21 збітую ракету з 34. Пашкоджаныя чатыры ЦЭС і бальніца
Былі атакаваныя аб'екты ў Днепрапятроўскай, Івана-Франкоўскай і Львоўскай абласцях.
Паветраныя сілы УСУ паведамілі, што ноччу расейскае войска атакавала Украіну з дапамогай 34 крылатых і балістычных ракет, з якіх 21 удалося збіць.
Як паведамілі ў прыватнай энергакампаніі ДПЭК, з-за атакі сур'ёзна пацярпелі чатыры электрастанцыі. Ёсць пацярпелыя, ім аказваюць дапамогу, колькасць параненых не ўдакладняецца.
Міністр энергетыкі Украіны Герман Галушчанка паведаміў, што былі атакаваныя аб'екты ў Днепрапятроўскай, Івана-Франкоўскай і Львоўскай абласцях.
У Харкаве пад удар патрапіла псіхіятрычная бальніца. У момант атакі ў медыцынскай установе знаходзілася каля тысячы чалавек — 900 пацыентаў і яшчэ 250 работнікаў.
«На шчасце, ракеты патрапілі ў зямлю, а не ў карпусы медустановы — у адваротным выпадку цяжка ўявіць колькасць загінулых і пацярпелых. Ёсць адзін паранены чалавек, ступень — лёгкая», — паведаміў кіраўнік горада Ігар Церахаў.
Чытайце таксама:
Дзярждэпартамент пацвердзіў, што ЗША ўжо перадалі Украіне ракеты ATACMS. І неўзабаве перададуць яшчэ
Пентагон неадкладна накіроўвае на падтрымку Украіны зброю на мільярд даляраў