Знайсці
01.02.2013 / 12:59 18

Насуперак абяцанню Давыдзькі, «Беларусь-3» не будзе цалкам беларускамоўным каналам

Дырэктар новага канала Маючы: «Мы не павінны забываць пра двухмоўе ў нас у краіне і пра дзве дзяржаўныя мовы».

З 8 лютага ў Беларусі пачнецца тэставае вяшчанне «Беларусь-3», яшчэ аднаго тэлеканала Белтэлерадыёкампаніі. У афіцыйным прэс-рэлізе гаворыцца, што мэта канала — «забяспечыць асвятленне дзяржаўнай інфармацыйнай палітыкі ў галіне культурнага жыцця краіны».

Не будзем наракаць, што стварэнне «Беларусь-3» затрымалася на некалькі месяцаў. Узгадаем дакладную цытату Генадзя Давыдзькі, апублікаваную ў лукашэнканкаўскай «Советской Белоруссіі» ў кастрычніку 2011 года:

«Беларусь 3» аб’яднае ўвесь кантэнт, які падыходзіць пад вызначэнне «Спадчына» (гэта працоўная назва), у эфіры якога з’явяцца новыя праекты пра культуру, гісторыю, шэдэўры сусветнага кіно — і ўсё будзе толькі на беларускай мове».

Нягледзячы на скептычнае стаўленне да медыйнага прадукту, які вырабляецца на БТ, грамадскасць успрыняла абяцанне Давыдзькі з энтузіазмам.

Цалкам беларускамоўны тэлеканал, хай і толькі пра культуру, спрыяў бы пашырэнню сферы ўжытку беларускай мовы.

Аднак верыць словам Давыдзькі, як выявілася, наіўна. Словы пра беларускамоўнасць канала з ягонай рыторыкі зніклі, а ў прэс-рэлізе Белтэлерадыёкампаніі з’явіліся анонсы перадач з расійскамоўнымі назвамі.

Дырэктар новага тэлеканала Віктар Маючы, які прымае ўдзел у многіх канферэнцыях у якасці начальніка аддзела Інфармацыйна-аналітычнага цэнтра пры Адміністрацыі прэзідэнта, на працягу некалькі дзён не даваў ніякіх каментароў наконт сваёй новай пасады. І вось цяпер нарэшце адбылася анлайн-канферэнцыя на сайце Белтэлерадыёкампаніі з Маючым, падчас якой ён адказаў на пытанні наконт новага канала.

Ці будзе канал цалкам беларускамоўным? «Мы будзем да гэтага імкнуцца. На сёння сетка вяшчання складаецца прыкладна на 70% з беларускамоўных праграм. Але хачу адзначыць, што

мы не павінны забываць пра двухмоўе ў нас у краіне і пра дзве дзяржаўныя мовы. Аб’ектыўна гэты канал не можа быць толькі беларускамоўным. Натуральна, будуць прысутнічаць праграмы і на рускай мове», —
растлумачыў Маючы.

Тэлепраграма "Беларусь-3" на першыя дні працы.

Ягор Марціновіч

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
верасень кастрычнік лістапад
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31