Знайсці
24.01.2023 / 11:241РусŁacБел

Зяленскі звольніў намесніка кіраўніка свайго Офіса. Адбываюцца новыя гучныя адстаўкі

Як гаворыцца ва ўказе прэзідэнта Украіны, Кірыла Цімашэнку звольнілі з пасады намесніка кіраўніка Офіса прэзідэнта Украіны «паводле пададзенай заявы». Прычыны звальнення не называюцца. 

На месца Цімашэнкі плануюць прызначыць кіраўніка Кіеўскай абласной ваеннай адміністрацыі Аляксея Кулебу.

Акрамя Цімашэнкі, у адстаўку падаў намеснік міністра абароны Украіны Вячаслаў Шапавалаў. Яго адстаўка звязаная са скандалам з закупкай прадуктаў для УСУ па завышаных цэнах. Як паведамляюць у Мінабароны Украіны, Вячаслаў Шапавалаў, які адказваў за тылавое забеспячэнне УСУ, папрасіў звольніць яго, «каб не ствараць пагрозы для стабільнага забеспячэння Узброеных сіл Украіны ў выніку кампаніі абвінавачванняў, звязаных з закупкай паслуг харчавання».

Таксама ў адстаўку сышоў намеснік генпракурора Украіны Аляксей Сіманенка, паведамляе suspilne.media.

Па звестках СМІ, чакаюцца адстаўкі міністра паліва і энергетыкі Германа Галушчанка, міністра спорту Вадзіма Гутцайта і міністра па пытаннях стратэгічных галін прамысловасці Паўла Рабікіна, а таксама кіраўнікоў Сумскай, Днепрапятроўскай, Запарожскай і Херсонскай аблваенадміністрацый.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
1
Ха-ха
5
Ого
5
Сумна
0
Абуральна
0
2
не такі як ёсць/адказаць/
24.01.2023
НН, а можна нарэшце больш увагі надаваць беларусам і іх праблемам? Я разумею - вайна, разумею што і наш інтарэс, але не настолькі каб так пільна сачыць за іх палітычным жыццём, няхай самі разбіраюцца хто каля ўлады а хто - Арыстовіч
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031