ANT źniaŭ z efiru film «Bitva za Sievastopal»
Telekanał ANT źniaŭ z efiru film «Bitva za Sievastopal», što mieŭsia być pakazany siońnia ŭ efiry kanała ciaham piaci hadzin (z 16:50 da 21:20 ź pierapynkami).
Na haračaj linii kanała adkazvajuć, što film źniaty z efiru biez tłumačeńnia pryčyn.
Darečy, u saŭndtreku da filma «Bitva za Sievastopal» i im samim vykarystana pieśnia «Okieana Jelzi» «Obijmi».
Razam z tym film možna pahladzieć abo niepasredna na rasijskim Pieršym kanale, abo na sajcie kanała.
Mahčyma, stužka źniata z efiru biełaruskaha kanała ź jurydyčnych pryčyn.
Na momant napisańnia materyjału ŭ efiry ANT išoŭ film «Vaŭki», źniaty «Biełaruśfilmam» u 2009 h., ukazvaŭ biahučy radok na sajcie kanała.
***
«Bitva za Sievastopal» — histaryčnaja drama, ukrainska-rasijski poŭnamietražny bijahrafičny film pra savieckuju snajpierku Ludmiłu Paŭličenka. Vychad na kinaekrany prymierkavany da 70-hodździa Pieramohi. Premjera adbyłasia 2 krasavika 2015 h.. Televizijnaja premjera miełasia adbycca ŭ tym liku ŭ Rasii 9 maja 2015 hoda.
Stvaralniki filma charaktaryzavali svaju pracu jak psichałahičny film-bijahrafiju pra trahičny los žančyny na vajnie. U kinakarcinie adlustravany padziei 1937—1957 hadoŭ.