Pamior francuzski akcior Raber Asejn
Fota ź Vikipiedyi
Francuzski akcior i režysior Raber Asejn pamior na 94-m hodzie žyćcia.
Asejna špitalizavali ŭ balnicu paśla zaražeńnia karanavirusam, paviedamiła jaho ŭdava Kendzis Patu. Pa jaje słovach, śmierć nastupiła praz prablemy, źviazanyja z dychańniem. U sieradu, 30 śniežnia, akcioru spoŭniłasia 93 hady.
Jaho tata byŭ piersidskaha, abo azierbajdžanskaha pachodžańnia (Husiejnaŭ). Mama pachodziła ź Biesarabii. A jahonaj pieršaj žonkaj była Maryna Uładzi.
Raber Asejn syhraŭ bolš za 100 rolaŭ u kino i na telebačańni, a taksama vystupiŭ u jakaści režysiora i scenarysta pryblizna ŭ 20 stužkach.
Samyja viadomyja — hraf Žafrej de Piejrak u kinasazie pra Anžaliku i kiepski kamisar Razen u «Prafiesijanale», dzie jamu supraćstajaŭ Žaślen Bamon (Bielmando).
