Ekśpierty ŭ ZŠA rekamiendavali vakcynu BioNTech/Pfizer dla dziaciej va ŭzroście 5—11 hadoŭ
Hrupa niezaležnych ekśpiertaŭ u aŭtorak rekamiendavała Upraŭleńniu pa sanitarnym nahladzie za jakaściu charčovych praduktaŭ i miedykamientaŭ ZŠA (FDA) dazvolić vykarystańnie vakcyny BioNTech/Pfizer siarod dziaciej va ŭzroście ad 5 da 11 hadoŭ.
Rašeńnie było pryniata pieravažnaj bolšaściu hałasoŭ, piša Deutsche Welle.
Členy ekśpiertnaj kamisii syšlisia ŭ mierkavańni, što pieravahi vakcynacyi pieravažvajuć źviazanyja ź joj ryzyki.
FDA nie abaviazana prytrymlivacca rekamiendacyj źniešnich ekśpiertaŭ, ale zvyčajna prysłuchoŭvajecca da ich. Rehulatar prymie ŭłasnaje rašeńnie ab vakcynacyi dziaciej na praciahu nastupnych niekalkich dzion. Kali budzie vyrašana ŭchvalić vakcynu, to ŭ pačatku listapada hetaje pytańnie razhledziać centry pa kantroli i prafiłaktycy zachvorvańniaŭ.
Pradstaŭniki kampanij Pfizer i Biotech zajavili, što efiektyŭnaść ich vakcyny ŭ praduchileńni vypadkaŭ zaražeńnia karanavirusam siarod dziaciej va ŭzroście ad 5 da 11 hadoŭ pieravyšaje 90%.
