Videa biełaruskaha błohiera ŭvajšło ŭ top-10 samych papularnych videa ŭ rasijskim jutubie, a troje biełarusaŭ — u top-10 aŭtaraŭ
Videachostynh padvioŭ vyniki hoda i pradstaviŭ śpis samych papularnych videa ŭ Rasii. Uznačaliła śpis videa Alaksieja Navalnaha «Pałac Pucina. Historyja samaha vialikaha chabaru» ab majontku ŭ Hielendžyku, jaki aŭtary rasśledavańnia źviazvajuć z prezidentam Rasii. Rolik maje bolš za 119 miljonaŭ prahladaŭ.
Na druhim miescy — vypusk šou «Što było dalej» z Alaksandram Hudkovym i Antonam Łapienkam, na trecim — intervju Juryja Dudzia z błohieram Ivanhajej. A na čaćviortym miescy čelendž biełarusa Ułada A4 «Koho Piervym Nakažiet NIANIA, Połučit 1000$», jaki maje 42,3 miljona prahladaŭ.
Uład A4 z 36,3 miljona padpisčykaŭ uznačalvaje top aŭtaraŭ na «Jutubie». Razam ź im u dziasiatku ŭvachodziać jašče dva biełarusy: Hlent (10,5 miljona padpisčykaŭ) i Loša Majsak (6 miljonaŭ padpisčykaŭ).
