U Ałbanii aŭtobus zachras nad rakoj. Jaho prapanujuć nie prybirać, a pieratvaryć u most albo sad
Mer stalicy navat arhanizavaŭ hałasavanku ŭ Tvitary. 29 krasavika ŭ Tyranie haradski aŭtobus sutyknuŭsia z aŭtamabilem i źjechaŭ z darohi tak, što zachras pamiž dvuch bierahoŭ raki Łana — asnoŭnaj vodnaj arteryi stalicy Ałbanii, piša TJ.
U miascovych ŚMI miarkujuć, što pryčynaj avaryi stała pieravyšeńnie chutkaści kiroŭcam aŭtobusa. U momant DTZ aŭtobus byŭ poŭny pasažyraŭ. Zahinułych niama, ale paciarpieli try čałavieki, jakija jechali ŭ aŭtobusie, i dva z aŭtamabila.
Spačatku płanavałasia, što haradskija słužby adrazu ž dastanuć aŭtobus, ale hetaha nie adbyłosia. A 30 krasavika mer Tyrany Eryjon Vialijaj nazvaŭ avaryju ŭ Tvitary «samym dziŭnym incydentam u stalicy za apošniaje stahodździe, jaki, na ščaście, nie pryvioŭ da achviar». Mer padkreśliŭ, što pakul ułady rychtavalisia prybrać aŭtobus, mnohija ludzi stali prapanoŭvać pakinuć jaho nad rakoj i pieratvaryć u instalacyju. Naprykład, zrabić ź jaho alternatyŭny most praz Łanu.
Vielijaj zapuściŭ hałasavańnie ŭ Tvitary, prapanavaŭšy «pakinuć i dahladać jaho» abo «prybrać, pakolki jon psuje vyhlad». Jašče adzin varyjant — dla tych, chto choča pahladzieć vynik. Pakul pieramahaje pieršy varyjant z 69,4%.
❓
Fatmiresisht aksidenti me i çuditshem ne nje shekull kryeqytet qe pa pasoja per jeten!
Por teksa po pergatiteshim per te hequr autobuzin mbi Lane, shume vete propozuan ta leme si nje instalacion per kujdesin ne timon e ure alternative mbi Lane!
Si mendon shumica? ♂️
U repłajach i kamientarach prapanujuć varyjanty, što možna zrabić z aŭtobusam, naprykład, pieratvaryć u instalacyju ab niebiaśpiečnym kiravańni.
Jašče jość ideja z prastoraj, usiaredzinie jakoj była b dziciačaja vystava pra karyść vyroščvańnia raślin.
Jość ideja, jakim mienavita možna zrabić alternatyŭny most.
Hałasavańnie skončycca 2 maja, ale ci prymie rašeńnie mer, abapirajučysia na jaho vyniki, pakul nieviadoma.