Kiravać Muziejem Janki Kupały pastavili čałavieka z Muzieja Vialikaj Ajčynnaj
Raniejšuju dyrektarku ŭstanovy zvolnili pa palityčnych matyvach.
Ministr kultury Anatol Markievič prezientavaŭ kalektyvu Dziaržaŭnaha litaraturnaha muzieja Janki Kupały novaha kiraŭnika Hannu Halinskuju. Pra heta BIEŁTA paviedamili ŭ muziei.
Bolš za 20 hadoŭ Hanna Halinskaja adpracavała ŭ Biełaruskim dziaržaŭnym muziei historyi Vialikaj Ajčynnaj vajny, 9 ź ich — namieśnicaj dyrektara pa navukovaj rabocie.
Papiaredniuju dyrektarku litaraturnaha muzieja Janki Kupały Alenu Laškovič zvolnili z pasady 5 studzienia. Pryčynaj adstaŭki Laškovič stała jaje pryncypovaja pazicyja — eks-dyrektarka admoviłasia zvalniać svaich supracoŭnikaŭ pa palityčnych pryčynach.
Alena Laškovič kiravała dziejnaściu Litaraturnaha muzieja Janki Kupały 15 hadoŭ. Za hety čas u muziei i filijałach byli stvoranyja novyja ekspazicyi, adnoj ź pieršych u Biełarusi muziejnaja ŭstanova zadziejničała ŭ ekspazicyjnaj prastory multymiedyjnyja srodki, muziej byŭ inicyjataram šmatlikich prajektaŭ.
Usiaho viadoma pra bolš jak 300 palityčna matyvavanych zvalnieńniaŭ u śfiery kultury.
