CT pa biełaruskaj movie płanujuć prajści bolš za 18 tysiač abituryjentaŭ
Siońnia ŭ Biełarusi startuje centralizavanaje testavańnie — ź biełaruskaj movy. CT pa pradmiecie płanujuć prajści bolš za 18 tysiač abituryjentaŭ.
Heta amal na 200 čałaviek bolš, čym u minułym hodzie. Važna svoječasova prybyć u punkt zdačy CT — lepš za paŭhadziny. Abituryjenty pavinny mieć pry sabie dakumient, jaki zaśviedčvaje asobu (pašpart, paśviedčańnie ab pravie na žycharstva, paśviedčańnie biežanca), propusk, hielevuju abo kapilarnuju ručku z čarniłami čornaha koleru, lepš dźvie. Zabaroniena pranosić srodki pryjomu, zachoŭvańnia i pieradačy infarmacyi, heta značyć, mabilny telefon i inšyja hadžety. U aŭdytoryi pavinna być rabočaja abstanoŭka, nielha šumieć, mianiacca miescami, abmieńvacca materyjałami, atrymlivać padkazki abo kamuści padkazvać, nielha pracavać paśla zakančeńnia času. Nieabchodna ŭvažliva słuchać arhanizataraŭ i vykonvać ich instrukcyi. Parušalniki buduć vydalenyja.
Biełaruskaja mova — heta pieršyja ispyty ŭ śpisie pradmietaŭ CT, jakija prapanavana zdać abituryjentam dla pastupleńnia ŭ VNU Biełarusi. Testavańnie projdzie na bazie 41 ustanovy adukacyi. Ispyty startujuć pa ŭsioj krainie adnačasova — u 11.00.
