Makron zajaviŭ, što Ukrainie treba budzie vieści pieramovy z Rasijaj
Prezident Francyi Emanuel Makron, vykazvańni jakoha ŭ apošni čas vyklikali niezadavolenaść u Kijevie, u sieradu znoŭ zajaviŭ, što «ŭ niejki momant» prezidentu Ukrainy i inšym pradstaŭnikam hetaj krainy daviadziecca vieści pieramovy z Rasijaj ab miry, piša «Radyjo Svaboda».
Fota: AFP
Makron zajaviŭ heta, vystupajučy pierad francuzskimi vajskoŭcami ŭ Rumynii. Jany byli raźmieščanyja tam dla ŭmacavańnia ŭschodniaha fłanha NATO pierad abliččam rasijskaj pahrozy.
«My, jeŭrapiejcy, taksama budziem za stałom pieramovaŭ», — skazaŭ Makron, adznačyŭšy, što krainy ES dapamahajuć Ukrainie ŭ adbićci ahresii.
Rezkuju krytyku, u tym liku ŭ krainach ES, vyklikali raniejšyja słovy Makrona pra toje, što nielha «prynižać» Rasiju. Francuzski prezident faktyčna paŭtaryŭ svaju dumku, skazaŭšy, što Rasija taksama častka jeŭrapiejskaha kantynienta.
Makron padčas svajho vizitu naviedaje taksama Małdovu.
Raniej paviedamlałasia, što 16 červienia Makron razam z kancleram Niamieččyny Ołafam Šolcam i premjeram Italii Maryjo Drahi pavinien prybyć u Kijeŭ. Francuzski prezident hetaha nie paćviardžaŭ i nie abviarhaŭ, aficyjna pra vizit pa-raniejšamu nie abvieščana.
U hety momant Kijeŭ adchilaje zamireńnie z Rasijaj, kali jana nie vyviedzie vojski chacia b na liniju da pačatku ŭvarvańnia 24 lutaha.